كل شهر بنسمع من أصحاب المحلات نفس الطلب: «عايز الزبون يخلّص لوحده، وأنا أركّز في الشغل». عشان كده المميزات اللي اتضافت المرة دي كلها بتصب في حاجة واحدة: الزبون يطلب ويدفع ويحجز ويكلّمك من غير ما تسيب اللي في إيدك.
1) مكالمات صوتية مجانية من متجرك
الزبون الداخل بحسابه على متجرك يدوس «اتصل بالمحل» ويكلّمك من المتصفح — من غير رصيد ومن غير ما يعرف رقمك. المكالمة بترن على الموظفين اللي إنت اخترتهم، ولو محدش رد في 30 ثانية بيتفتحله شات على طول. اقرأ الشرح كامل.
2) الجيم: العضو يدير اشتراكه من موبايله
تجميد وفك تجميد فوري، تجديد بالتحويل يتفعّل لوحده أول ما الفلوس توصل، وحجز الكلاس بمكان مضمون. اقرأ الشرح.
3) حجز الصالون أونلاين بعربون
العميلة تختار الخدمة والموظفة والميعاد، وتدفع عربون ثابت أو نسبة من سعر الخدمة. العربون يوصل؟ الحجز يتأكد لوحده. اقرأ الشرح.
4) إيصال دفع رقمي + إشعار للزبون
أول ما التحويل يتطابق مع الفاتورة، الزبون يوصله إشعار وإيصال رقمي بالمبلغ ورقم العملية — وكل إيصالاته محفوظة في «حسابي». اقرأ الشرح.
5) زرار دفع بإنستاباي أو المحفظة بضغطة
بدل ما الزبون يكتب رقمك ويغلط في المبلغ، بيدوس زرار واحد يفتح تطبيق الدفع جاهز. اقرأ الشرح.
6) جرد واستلام بضاعة بكاميرا الموبايل
افتح الكاميرا، امسح الباركود، اسمع الصفّارة، والكمية تتسجل على الكمبيوتر — لحد 3 موبايلات في نفس الوقت. اقرأ الشرح.
ومن غير اشتراكات إجبارية
كل الميزات دي جوّه النظام اللي معاك. اللي له استهلاك (زي دقايق المكالمات) له رصيد مجاني شهري، ولو احتجت أكتر تفعّل الإضافة من جوّه النظام وتدفع على قدّ استخدامك.
جرّب بنفسك: افتح الأنظمة واختار نشاطك وجرّب الديمو مجاناً بدون تسجيل، أو سجّل نظامك وابدأ في نفس اليوم — وكل الميزات دي بتشتغل من جوّه نفس النظام.